جمعهماالحب من النظره الاولى لكن كان الخوف من المصيرالذي سوف يحل بهم جعلهم لايتوقعون ذلك
فهد(شاب يعمل في مؤسسةوالدةبالمدينه المنوره،خلوق ومجدومحبوب عندالجميع،عمره ٢٥سنه)
منى(فتاةرومانسيه،تدرس في الكليه آخرسنه،عمرها٢٢سنه)
هياء(بنت عم منى،عمرها٢٢سنه،تدرس في الكليه،صديقةمنى)
سامي(موظف حكومي،يعمل في الرياض،عمره ٢٧سنه)
@@@@بدايةالقصه@@@@
منى كانت جالسه مع بنات عمها
[هياء،أروى،هند،آسيا]
منى:حي الله من جاناعاش من شافكم
هياء:الله يحيك ويبقيك
منى:نعنبوكم
ماتنشافون إلاعقب طلعت الروح قسم بالله إني ماغيرأقابل وجيه حصه
وهيفاءوحظي الردي هاثنتين مايعطوني وجه ولابعدقلوبهم على بعض !!!!
فجاءه دخلت حصه ومعهاعلبةجواهر..
حصه:اللهم أكفنى إياهابماشئت عزالله بتعطيناعين
ودخلت بعدهاهيفاء..
هيفاء:اي والله حصوص حياتي خليناناخذغسالهامن بعدها
تعرفين الاحتياط الواجب..
منى:مالت عليكم من زينكم أنظلكم وش عليه؟لوإنكم جمال ودلال مثل هيون حياتي ربي يخليهالي*وهي تغمزلها*
هند:الله الله واحنااا؟زين ياموينه
ضحكوا البنات..
أروى:منى وين هاجرماشفتها؟!
منى:روحي لهاتلقينهاتلعب بعروستها
أروى:بعروستهاااا؟؟؟
منى:ايه عروستهاجايتهاطفوله متأخره من شافت هاالعروسه على قناةسبيس تون وهي شاريتها
آسيا:لاوالله اختكم علاجها العرس عرسوهاعشان تجيب عرايس حقيقيه
حصه:تبن في وجههاتعرس؟!
وش تبين يقول الرجال لاخذاها يقعديفضحنايقول بنتكم رفله لاباالله تقعدفي بيت أهلهاأكرم لها..
هياء:إلاحصه عرسك متى؟!
حصه والخدودحمراء:في عيدالأضحى..
منى:اشوى الحمدلله على الأقل بدال مانشتري ثياب العيدنشتري فساتين لعرسها
أروى:ياالله عقبال منى!!
منى:آسفه ماأبغى اعرس ،أول شي أعيش قصةحب وبعدين اعرس!هياءتعالي ابغيك بكلمةراس؟!؟!
آسيا:ألحين انتي وإياهانبغى نجلس مع بعض تروحون منا؟!
هياء:ياالله انتوا وش كثركم بتعوضون نقصنا امشي يامنى قبل لايجيبون لنا الصداع وعوارةالراس!!
وطلعوا وعلى طول راحواللغرفه
هياءكالعاده أول ماتدخل لغرفةمنى تشوف صندوق الاكسسوارات وتاخذاللي يعجبها
هياء:شوعندك يامناتي؟؟
منى:ودي أقولك شي بس مايطلع؟!!
وتركت هياءاللي في يدها:آفاااااعليك انتي آخروحده تقولي هاالكلام ! قولي ياقلبي وأعتبري سرك في بيرقولي وفضفضي؟
منى:تذكرين عهوداللي معناباالكليه!
هياء:ايه وش فيها؟
منى:امس كانت تقولي انهاهي وامهايبغون يتعرفون عليناأكثر؟!
هياء:وش عندهم*قربت راسهالمنى*بيخطبون؟؟
ضربت منى كتف هياء..
منى:وجع وش يخطبون تصدقين يمكن لهاكم اسبوع وهي تلمح لي إن اخوهامعجب فيني من كثرماتسولف عني عنده تدرين راحت عن بالي الخطبه..
هياء:أحلى افرحي يابختك إلا اقول ماجابت لك صوره له
منى:إلاقدجابت صوره له عادي موحلوبس عليه شكل ماتتصورينه.
هياء:احمدي ربك أول ماتسألك عنه قولي موافقه واعرسي علشان اعرس.
منى:وجعووووه ياهيون وش هاالكلام ليش إن شاء الله تبغين تفتكين مني..
هياء:لاوالله
بس لاني حلمت انك رحتي بالقطارواناكنت ابكي وفجاءه ركبت اناباالقطاراللي
بعدك ولحقتك،تعرفين فايزه المشعوذه هي اللي فسرته لي انك تعرسين وبعدك أنا
منى:هههه مشعوذه مره وحده حرام عليك هذي وهي تحبك
هياء:موقصدي بهاالكلمه بس والله شكلهايخوف
منى انسدحت عالسريروبدت تفكر..
منى:هيون ماادري ايش اقولك صوره اخوهامن ذاك اليوم وعيت تروح عن بالي..
هياء:الله الله ياعيني ياعساه دوم وله بيوم وماعرفتي اسم الفارس الملثم!!
منى:إلا اسمه سامي
هياء:أفففف لايكون سامي الجابروانتي ناسيه شكله قولي لي مواصفاته مره ثانيه يمكن اعرفه.
منى:يووووه هيون أناموناقصه مسخرتك.
هياء:طيب ألحين يامناتي هذا اللي شاغل بالك؟!
منى:أكيدياعمري وماأدري أنامن تذكرت الكلام والتلميحات من كم اسبوع هوشغل تفكيري
هياء:إذا لمحت مره ثانيه قولي لها إذاهم يبغونك لولدهم يجون يخطبون رسمي موكلام..
منى:كلامك صحيح بس بستحي.
هياء:اقول انثبري إذاجاتك وافتحت الموضوع قولي لها تجيني وأنابقول لهاياأختي أبغيك تعرسين علشان آخذولدعمي حمودي
منى:هههه من ألحين حمودي
هياء:تدرين عمي عبدالرحمن خطبني لولده محمد؟
جلست منى بعدماكانت منسدحه
منى:ياالخاينه ولاقلتي لصديقةطفولتك
هياء:الحمدلله والشكرامس اخطبوني وهذا أنااليوم عندك
منى:عادي كان قلتي لي
هياء:وايش اللي يفرق اليوم عن أمس
منى:يفرق باالساعات
هياء:ليه نظام جامعه الله يهداك يامناتي وفكيني من هاالكلام تبغيني أكمل وإلا اسكت
منى منسجمه:لأ كملي وبعدين
هياء:جاني ابوي فاالغرفه وحب راسي بدال ماأنا احب راسه وأول مره بحياته يحب راسي
منى:عطيني الزبده
هياء:ايه
صح الزبده وقالي*وقامت تقلدابوها*يابنيتي ولدعمك محمدخاطبك واناقلت له راح
نردعليك بعدماتعطينا البنت رايها والله يوم قالي ابوي بغيت أوافق وهوقدامي
بس الحياءقطعني وماعرفت أردوش اقول وقالي فكري ومتى ماعطيتني جواب راح
اقولهم
منى:وانتي موافقه
هياء:أكيدبدون ادنى شك والله اني سجدت سجودشكرمن الفرحه
منى:قدااااام عمي
هياء:طل بعينك تبين يقول بنتي عووبه ودهابالعرس لأ طبعالما طلع سجدت
منى:تدرين أناماأبغى أعرس ألحين الزواج مسؤوليه في كل النواحي وانا أبغى أكمل دراستي بهدؤبدون مايصيرفوق راسي مسؤوليه
هياء:اللي يشوفك يقول باقي لك ست سنين وتخلصين الدراسه تراك آخرسنه فكينا واللي يرحم والديك..
بعدماخلصوا من الكلام منى وهياءنزلواتحت كان وقت العشاءوبعدماتعشوا راحت هياءوخواتهالبيتهم
حصه:ياناس ياإني اموت بهند ياعليها اخلاق وتواضع بشكل ماتتصورونه
هيفاء:كلهم والله لباقلوبهم
منى:عن اذنكم بروح انام تصبحون على خير
هيفاءوحصه:وانتي من اهله
أول مادخلت منى لغرفتها وحطت راسهاعلى المخده بدت تفكربكلام صديقتهاعهودعن اخوهاسامي
في
اليوم الثاني راحت منى للكليه من ٧:٥٠كان عندهامحاضرهاشوي ثقيله
ماتهضمهالكن راحت بس علشان تقابل عهودوفعلا بعدالمحاضره تقابلت مع
عهود..ولماجلسوا مع بعض كان فيه صمت خمس دقايق وبعدين تكلمت عهود
عهود:منى؟لوخطبتك لأخوي سامي بتوافقين؟
حل الصمت لمنى وبدت تتكلم عهودومنى تسمع
عهود:منى
سامي أخوي ازعجنا يقول اخطبوهالي لوتشوفين إذاسمع اسمك أوشاف رقم تلفون
بيتكم ايش كثريستانس نقوله انت قدشفتهايقولنايكفي اسمها ، سامي أخوي يحبك
ويموت فيك وأناماأبغى أضغط عليك فكري وردي لي بكره أوبعده المهم تردين
علي،،..
منى بدت تقتنع لكن ماتعلقت فيه ولاردت على عهودوإذاشافت عهودتهرب لأي مكان وصارت على هاالحال
شهروأسبوع وبعدهابأيام جاء اتصال لبيت أهل منى وردت امها وكانت المتصله أم عهود...
فصارقلبهايدق..وكانت تناظر
التلفزيون واذنهامعهم!!
ام يوسف:هلاوالله بأم سامي
ام سامي:هلابك يالغاليه ايش أخباركم انتم إن شاءالله بخير؟
ام يوسف:الحمدلله بخيرعساك بخير
ام سامي:ياأم يوسف أنا ابغى أكلمك بموضوع
ام يوسف:خير إن شاءالله
ام سامي:أناودي أخطب بنتك هيفاءلولدي سامي على سنةالله ورسوله
ام يوسف:هذي الساعه المباركه وابشري ولايهمك بسأل البنت وبردعليكم
ام سامي:الله يعطيك العافيه
بس ياليت ماتتأخروابالرد؟
ام يوسف:ابشري والله بردعليك
إنتهت المكالمه اللي صارت بين ام سامي وام يوسف وكانت منى على نار..
